الهلال سيفوز - سيفوز الهلال

الاحد القادم انشاءالله سيفوز هلال السودان على ضيفه مازيمبي الكنقولي وسيخطو خطوات الوثوب والوثوق نحو النهائي الافريقي هذا العام

تابعو على هذا البوست اخبار الهلال واللقاء الكبير والذي سماه الاتحاد الافريقي النهائي المبكر

ننتظر توقعاتكم للقاء القمة

يا هلالاب قبيل قلتوا الكفر اسيادو
وقلتولنا الهلال ما بينهزم فى استادو
قلتولنا الفريق فى كامل استعدادو
وفريق مازمبى يضرع تقول فى بلادو

القلتولنا معروف مقبرة ابطال
دفنكم فيهو مازمبى ورقادكم طال
لو كان عندكم للكاس بصيص امال
مبارات الذهاب ابقولنا فيها رجال

كلامكم فى الجرايد كلو ما كان صاح
وحقو يكتبوكم فيهو استيضاح
فريق مازمبى فى كل الخطوط مرتاح
وانتو معاهو فى الميدا تقول اشباح

الراجيك تجيبلو الخمسه جات معكوسه
فى ليله الاحد مازمبى كان كابوسه
تجاربو الخاضه كلها ما استفاد بى دروسه
ما فادوهو لا امبيلى لا ايفوسه
قلتولنا الهلال بدر اكتمل متجلى
وفى ليلة التمام ظهر الخسوف الكلى
الكنقولى للقون شوتو ما بتجلى
خمسه اقوان تقول اكتو لاعبين بى

بعد عشين دقيقه بقا الهلال ينهار
لقا شوية هبوب بى قطعة التيار
انبهط المدرب وفى البقت محتار
سيد الدار بقا الضيف وضيفو سيد الدار

شايفك كنت متاكد لكن عقب ما رجعت تانى مالك ولا بوست زى ده مقبوض فيه بالثاااااااابته تانى ما بترجع ليهو

ابقوا واصلوا